ឆ្កែឆ្លាត
នៅក្នុងផ្ទះខ្ញុំមានឆ្កែមួយ សប្បុរសលាយក្រហមខ្មៅ
រោមវាវែងៗទន់ស្រមូវ សមរូបសមរូវនិងដងខ្លួន។
រាងវាតូចល្អិតដងខ្លួនវែង ជើងវាកែងង៉ែងត្រចៀករួម
បាក់ខ្លបចុះក្រោមភែ្នកក្រលួង ច្រមុះតូចផងគួរស្រលាញ់។
ធ្មេញស្រួចសស្ងាចដូចបន្លា មុតដូចរណាដុះរលេញ
រីឯកន្ទុយត្រកងវិញ រោមដុះសេ្លះស្លាញសំពោងពាយ។
នៅពេលនៅផ្ទះវារវី ឃើញសត្វដ៍ទៃវាប្រញ៉ាយ
លោតព្រុសកន្រ្តោងស្រែកប្រវ៉ាយ ជើងដៃកកាយហាក់ខឹងណាស់។
វាចេះការពារទ្រព្យសម្បត្តិ ចេះព្រុសចេះឃាត់មនុស្សនានា
ពេលដើរចូលមកត្រូវហៅវា នេះជាបញ្ជាឆ្កែរបស់ខ្ញុំ។
មិនតែប៉ុនណ្ណោះវាឆ្លាតទៀត វាមានមាយាទពេលអោយនំ
ចេះលើកជើងពីរសំពះសុំ ប្រមុំដងគួរសមក្រៃ។
ហើយវាថែមទាំងចេះភាសា ដែលខ្ញុំហៅថា Hello Hi
Stand up sit down រត់ប្រញ៉ាយ ខ្ញុំសែនសប្បាយនិងវាណាស់។
ខ្ញុំសូមរាបរាប់ជាចុងក្រោយ ខ្ញុំមិនកន្តើយនិងឈ្មោះវា
ហៅថាអាភ្លូស្ងួនពុំងារ ជាឆ្កែកម្ពុជាខ្ញុំពិតពិត។